Түркістан қаласында 7- қаңтарда басталған шахматтан Қазақстан чемпионаты өз мәресіне жетті.
Спортшылар шаршы тақтада шахматтың «классикалық рапид» және «блиц» түрінен жарысқа түскен болатын.
Сайысқа еліміздің түкпір-түкпірінен жиналған 405 ойыншы қатысып, 54 үздік оза шықты. 54 финалисттің ішінен оза шыққан 5 ойынша Бразилияның Флорианополис қаласында қазан айында өтетін әлем чемпионатына жолдама алды.
10 күнге жуық мықтылар жарысқан бәйге нәтижесінде командалық есеп бойынша І-орынды Астана, ІІ-орынды Атырау облысы иеленсе, ІІІ-орыннан Қызылорда облысының құрамасы көрінді.
Марапаттау шарасына Түркістан облысы әкімі аппаратының басшысы, ҚШФ-ның Түркістан филиалы президенті Еркеғали Әлімқұлов қатысып, жеңімпаздарды құттықтады.
Жеңімпаз және жүлдегерлер арнайы кубоктар мен алғыс хаттар және медальдармен марапатталды.